Newidiadau i gasgliadau biniau yn Sir Gâr dros Ŵyl Banc Calan Mai

Mae Cyngor Sir Caerfyrddin yn atgoffa trigolion i wirio eu dyddiadau casglu gwastraff ac ailgylchu cyn Gŵyl Banc Calan Mai, ddydd Llun 4 Mai.

Bydd yr holl gasgliadau’n digwydd un diwrnod yn hwyrach na’r arfer yr wythnos nesaf.

Dyma pryd y bydd eich biniau’n cael eu casglu:

Diwrnod casglu arferol	Diwrnod casglu diwygiedig
Dydd Llun 4 Mai	Dydd Mawrth 5 Mai
Dydd Mawrth 5 Mai	Dydd Mercher 6 Mai
Dydd Mercher 6 Mai	Dydd Iau 7 Mai
Dydd Iau 7 Mai	Dydd Gwener 8 Mai
Dydd Gwener 8 Mai	Dydd Sadwrn 9 Mai

Bydd casgliadau ar gyfer gwastraff hylendid a chewynnau a gwastraff gardd hefyd yn dilyn yr amserlen ddiwygiedig. 

Rhowch eich biniau mas erbyn 6am ar eich diwrnod casglu diwygiedig. Cofiwch yr uchafswm o dri bag du a golchwch a gwasgwch eich deunydd ailgylchu.

Cofrestrwch i gael neges e-bost neu neges destun am ddim i'ch atgoffa am eich casgliadau ailgylchu a bagiau du yma.

Os bydd unrhyw darfu ar wasanaethau, bydd y wybodaeth yn cael ei rhoi ar wefan y cyngor ar ôl 2pm ar ddiwrnod eich casgliad. Mae trigolion yn cael eu hannog i wirio’r wybodaeth ddiweddaraf cyn rhoi gwybod am wastraff sydd heb ei gasglu.

Mae trigolion hefyd yn cael eu hannog i rannu’r wybodaeth hon ag aelodau o’r teulu, ffrindiau neu gymdogion sydd efallai yn dibynnu ar eraill am ddiweddariadau a gwybodaeth.

Bydd yr holl ganolfannau ailgylchu gwastraff y cartref ar agor fel arfer ddydd Llun, 4 Mai. Gallwch weld eu horiau agor yma.

Dywedodd Cyfarwyddwr Lle, Seilwaith a Datblygiad Economaidd Cyngor Sir Caerfyrddin, Ainsley Williams:

Hoffwn ddiolch i drigolion am eu cydweithrediad yn ystod cyfnod gŵyl y banc. Mae gwirio eich diwrnod casglu diwygiedig a rhoi eich biniau allan ar amser yn helpu ein criwiau i ddarparu gwasanaethau mor effeithlon â phosibl.”