Cyfle i gael dweud eich dweud am gynigion addysg Gymraeg mewn pedair ysgol gynradd yn Sir Gaerfyrddin

Mae Cyngor Sir Caerfyrddin wedi dechrau cyfnod ymgynghori i ddiwygio'r ddarpariaeth Gymraeg ar draws pedair ysgol gynradd yn y sir, gan eu newid o ysgolion dwy iaith i ysgolion Cymraeg. 

Os cânt eu cymeradwyo, byddai'r newidiadau yn caniatáu i blant sy'n mynychu Ysgol Bro Banw, Ysgol Griffith Jones, Ysgol Llandybïe ac Ysgol Llangynnwr gael mynediad at addysg Gymraeg yn bennaf, yn hytrach na chymysgedd o addysg Gymraeg a Saesneg. 

Daw'r cyfnod ymgynghori i ben ar 20 Hydref 2026. 

Mae gwahoddiad i rieni, gofalwyr, staff, Llywodraethwyr, aelodau o gymuned ehangach yr ysgol, a rhanddeiliaid eraill anfon eu sylwadau fel rhan o'r broses ymgynghori ar-lein, drwy e-bost neu drwy'r post at: 

Mr Owain Lloyd
Cyngor Sir Caerfyrddin
Neuadd y Sir
Caerfyrddin
SA31 1JP

Dywedodd yr Aelod Cabinet dros Addysg a'r Gymraeg, y Cynghorydd Glynog Davies:

"Os cytunir ar y cynnig hwn, bydd yn sicrhau y bydd gan blant sy'n mynychu ysgolion dwy iaith Ysgol Bro Banw, Ysgol Griffith Jones, Ysgol Llandybïe ac Ysgol Llangynnwr fwy o fynediad at addysg Gymraeg. 

Mae dysgu Cymraeg o oedran ifanc yn rhoi'r sylfaen orau bosib i blant ddod yn siaradwyr dwyieithog hyderus ac yn creu cyfleoedd newydd iddyn nhw yn yr ystafell ddosbarth a'r tu hwnt iddi."

Mae hyn yn rhan o Bolisi Cymraeg mewn Addysg Cyngor Sir Caerfyrddin sy'n amlinellu ei weledigaeth ar gyfer Sir Gaerfyrddin ddwyieithog.

Ar ôl y cyfnod ymgynghori bydd adroddiad yn cael ei gyflwyno i'r Cabinet i gael penderfyniad yn ei gylch.