"Ar y Ffordd": opsiwn trafnidiaeth newydd yn cysylltu cymunedau â Canolfan Pentre Awel

Gall preswylwyr ledled Sir Gaerfyrddin bellach elwa o fynediad gwell i Canolfan Pentre Awel, gydag chyfleuster o'r radd flaenaf at leoliadau trafnidiaeth Dolen Teifi y gellir eu harchebu. Mae "Ar y Ffordd" yn bartneriaeth rhwng Dolen Teifi ac Age Cymru Dyfed sy'n darparu opsiynau teithio hygyrch ar gyfer cadeiriau olwyn i'r rhai sydd ag anabledd yn Sir Gaerfyrddin.

Mae Ar y Ffordd wedi ychwanegu Canolfan Pentre Awel at ei wasanaethau a bydd yn rhoi opsiwn trafnidiaeth arall i'r rhai sy'n dymuno manteisio ar yr ystod eang o gyfleusterau iechyd, llesiant a hamdden sydd ar gael yn y datblygiad yn Llanelli.

Dywedodd y Cynghorydd Hazel Evans, Aelod Cabinet Cyngor Sir Caerfyrddin dros Adfywio, Hamdden, Diwylliant a Thwristiaeth:

Mae cynnig "Ar y Ffordd" yn atgyfnerthu'r syniad o gysylltedd cymunedol, gan helpu i leihau rhwystrau wrth geisio cael mynediad at wasanaethau ac annog opsiynau trafnidiaeth mwy cynaliadwy. Mae hyn hefyd yn golygu y bydd mwy o bobl yn mwynhau popeth sydd gan Canolfan Pentre Awel i'w gynnig, o wasanaethau hamdden i apwyntiadau gofal iechyd cymunedol a digwyddiadau cymunedol.

Ar hyn o bryd mae gan Dolen Teifi 10 cerbyd mewn gwahanol ardaloedd o Sir Gaerfyrddin.

• Castellnewydd Emlyn - Maes Llywelyn, Lôn yr Eglwys, SA38 9AB
• Llanelli – Canolfan Pentre Awel, Llanelli, SA15 2EZ
• Sanclêr - Maes Parcio'r Capel, ger y White Lion, Pwll-trap, SA33 4AT
• Caerfyrddin - Parc Dewi Sant, Heol Ffynnon Job,  SA31 3HG
• Llanymddyfri - y Ganolfan Hamdden, Heol Cilycwm, SA20 0DY
• Llanybydder – yr Hen Ysgol, Llanybydder SA409RN
• Talacharn – Maes Parcio Eglwys Sant Martin, Talacharn SA334QD
• Y Tymbl – Maes Parcio Neuadd Bentref y Tymbl, Y Tymbl SA146HR
• Llandeilo – Cae William, Llandeilo SA19 6HL
• Porth Tywyn - Plas y Môr - Teras Glanmor, Porth Tywyn SA16 0NW

Dywedodd Tom Cowcher, Cadeirydd Llandysul a Phont-Tyweli Ymlaen a Dolen Teifi:

Mae wedi bod yn bleser gwirioneddol gweithio mewn partneriaeth ag Age Cymru Dyfed, deiliad grant y rhaglen bwysig hon. Mae trafnidiaeth gymunedol yn ymwneud â llawer mwy na chwblhau taith. Mae'n helpu pobl, yn enwedig y rhai sy'n byw mewn ardaloedd gwledig, i aros yn annibynnol ac yn gysylltiedig â'u cymunedau. Rydym yn ddiolchgar i Age Cymru Dyfed a'n holl staff, gwirfoddolwyr a phartneriaid cymunedol sy'n helpu i wneud hyn yn bosibl.

Ychwanegodd Caroline Taylor-Davies, Dirprwy Brif Swyddog Gweithredol Age Cymru Dyfed:

Rydym ni wrth ein bodd o gael ychwanegu pum cerbyd arall at y fflyd 'Ar y Ffordd'. Bydd y cerbydau ychwanegol hyn yn ein helpu ni i gyrraedd rhagor o gymunedau, ac yn rhoi'r rhyddid a'r hyder i ragor o bobl deithio. Mae hwn yn gam pwysig wrth i ni barhau i ddatblygu'r gwasanaeth, ac mae'n arwydd o gryfder ein partneriaeth â Dolen Teifi.

I drefnu taith, cysylltwch ag: Ymholiadau Trafnidiaeth Gymunedol drwy ffonio 07399 861341 neu e-bostio communitytransport@agecymrudyfed.org.uk Gellir paru teithwyr â gyrrwr gwirfoddol lleol, ac mae teithiau'n costio 58c y filltir.

Ar hyn o bryd mae Dolen Teifi yn chwilio am wirfoddolwyr yn Llanybydder, Talacharn, y Tymbl, Llandeilo a Phorth Tywyn. Mae hwn yn gyfle delfrydol i unigolion wneud gwahaniaeth ymarferol i'w cymunedau. Os oes gennych ddiddordeb, cysylltwch â - training@dolenteifi.org.uk neu ffoniwch 01559 362403.