Newidiadau i gasgliadau biniau yn Sir Gâr dros gyfnod y Pasg

Mae Cyngor Sir Gâr yn atgoffa trigolion i wirio eu dyddiadau casglu gwastraff ac ailgylchu dros gyfnod y Pasg. Mae newidiadau wedi'u gwneud i sicrhau bod gwasanaethau'n rhedeg yn hwylus.

Dyma pryd y bydd eich biniau yn cael eu casglu dros y Pasg:

Bydd casgliadau ar gyfer gwastraff hylendid a chewynnau a gwastraff gardd hefyd yn dilyn amserlen ddiwygiedig y Pasg. Gwiriwch eich diwrnod casglu.

Rhowch eich biniau mas erbyn 6am ar eich diwrnod casglu. Cofiwch yr uchafswm o dri bag du a golchwch a gwasgwch eich deunydd ailgylchu.

Os bydd unrhyw darfu ar eich casgliadau gwastraff, bydd y wybodaeth yn cael ei rhoi ar y wefan ar ôl 2pm ar ddiwrnod eich casgliad. Gwiriwch y wybodaeth ddiweddaraf yma.

Bydd holl ganolfannau ailgylchu gwastraff y cartref ar agor fel arfer dros benwythnos y Pasg. Gwiriwch eu oriau agor yma. 

Dywedodd Cyfarwyddwr Lle, Seilwaith a Datblygiad Economaidd Cyngor Sir Gâr, Ainsley Williams:

Rydyn ni am sicrhau bod trigolion yn cael gwybodaeth lawn am y newidiadau dros dro i gasgliadau gwastraff ac ailgylchu dros gyfnod y Pasg. Trwy wirio eich diwrnodau casglu diwygiedig a chyflwyno'ch biniau erbyn 6am, byddwch yn helpu ein criwiau i gadw gwasanaethau i redeg yn esmwyth yn ystod y cyfnod prysur hwn. Hoffwn ddiolch i bawb am eu cydweithrediad ac am barhau i ailgylchu'n gyfrifol."