Marchnadoedd Awyr Agored Sir Gaerfyrddin - marchnadoedd tref wythnosol a ffeiriau artisan misol Green Top

Mae marchnadoedd awyr agored Sir Gaerfyrddin yn dod â lliw, blas a chymeriad i dair tref fwyaf y sir bob wythnos – Llanelli ar ddydd Iau, Rhydaman ar ddydd Gwener, a Chaerfyrddin ar ddydd Sadwrn. Unwaith y mis caiff y rhain eu hybu trwy gefnogaeth marchnadoedd artisan arbenigol sy'n cael eu rhedeg gan Green Top Markets.

Mae Green Top Markets, a ariennir trwy Gronfa Ffyniant Gyffredin Llywodraeth y DU, yn rhoi cyfle i wneuthurwyr, tyfwyr a chynhyrchwyr bwyd lleol arddangos cynnyrch, crefftau a bwyd stryd o ansawdd uchel. Caiff masnachwyr eu cefnogi gan bebyll proffesiynol, canllawiau arddangos, a chefnogaeth o ran hyrwyddo gan y Cyngor, Sir Gar sy'n helpu busnesau bach i ffynnu.

Dyddiadau Marchnadoedd Green Top:

·       Llanelli – Dydd Iau, 11 Medi a Dydd Iau, 9 Hydref

·       Rhydaman – Dydd Gwener, 12 Medi a Dydd Gwener, 10 Hydref

·       Caerfyrddin – Dydd Sadwrn, 13 Medi a Dydd Sadwrn, 11 Hydref

Ochr yn ochr â'r digwyddiadau misol hyn, mae'r marchnadoedd awyr agored wythnosol yn parhau i ddenu nifer cyson o ymwelwyr, gan ddangos eu rôl hanfodol wrth gefnogi masnachwyr lleol a chadw canol trefi yn fywiog. 

Gall masnachwyr lleol gofrestru gyda Marchnadoedd Sir Gaerfyrddin drwy ymweld â'r adran Marchnadoedd ar wefan y Cyngor yma.

P'un a ydych chi'n breswylydd lleol neu'n ymwelydd â Sir Gaerfyrddin, mae'r marchnadoedd yn lle perffaith i fwynhau bwyd a diod cartref, dod o hyd i anrheg unigryw, neu'n syml mwynhau'r awyrgylch bywiog.

Dywedodd y Cynghorydd Carys Jones, yr Aelod Cabinet dros Faterion Gwledig, Cynllunio a Chydlyniant Cymunedol:

"Mae'r marchnadoedd hyn yn darparu llwyfan pwysig i fasnachwyr lleol arddangos eu cynnyrch, a hefyd yn helpu i gefnogi economi'r sir trwy ddenu preswylwyr ac ymwelwyr. 

Mae cefnogi'r digwyddiadau hyn yn allweddol i gynnal canol trefi bywiog ac annog twf lleol cynaliadwy."

Gall masnachwyr lleol sydd â diddordeb mewn cymryd rhan yn y Marchnadoedd Green Top neu aelodau o'r cyhoedd sydd eisiau mwy o wybodaeth gysylltu â Marchnadoedd Green Top.