Newidiadau i gasgliadau gwastraff dros gyfnod Gŵyl Banc Calan Mai

Rhowch eich sbwriel mas erbyn 6am ar y diwrnod casglu diwygiedig. Bydd casgliadau gwastraff hylendid a gwastraff gardd hefyd yn dilyn yr amserlen ddiwygiedig. Ailgylchwch gymaint â phosibl a chofiwch dim mwy na thri bag du.

Er mwyn helpu i sicrhau bod casgliadau'n rhedeg yn esmwyth dros gyfnod Gŵyl y Banc, mae gweithwyr ychwanegol wedi'u penodi yn dilyn ymgyrch recriwtio ddiweddar.

Dywedodd y Cynghorydd Edward Thomas, Aelod Cabinet dros Wasanaethau Gwastraff, Trafnidiaeth a Seilwaith:

Rydyn ni wedi ymrwymo i ddarparu gwasanaeth casglu gwastraff dibynadwy i’n preswylwyr, hyd yn oed yn ystod cyfnodau prysur fel Gŵyl Banc Calan Mai. Yn dilyn y casgliadau llwyddiannus dros Wyliau’r Pasg, rydyn ni’n gweithio’n galed i sicrhau’r un gwasanaeth dibynadwy ar gyfer yr Ŵyl Banc nesaf. Yn olaf, hoffwn ddiolch i’r timau diwyd sy’n gwirfoddoli i ddarparu ein gwasanaethau yn ystod gwyliau banc.

Er ein bod yn anelu at gasglu yn ôl yr amserlen, efallai y bydd tarfu lleol a allai newid ar fyr rybudd. I helpu i osgoi tarfu ar gasgliadau ac i sicrhau diogelwch pawb yn ein cymuned, gofynnwn i chi barcio’n gyfrifol i sicrhau y gall cerbydau casglu gwastraff fynd heibio’n ddiogel.

Cadwch lygad ar ein tudalen tarfu ar gasgliadau gwastraff  i weld unrhyw ddiweddariadau.

Bydd y canolfannau ailgylchu yn Nhrostre, Nantycaws, Wernddu, a Hendy-gwyn ar Daf ar agor fel arfer dros benwythnos Gŵyl y Banc. Gallwch wirio eu horiau agor yma.

Diolch yn fawr am ailgylchu.