Y Cyngor yn chwilio am gymorth i adnabod unigolion yn dilyn troseddau baw cŵn

Mae Cyngor Sir Caerfyrddin yn chwilio am gymorth i adnabod unigolion sydd wedi cael eu gweld yn peidio â chodi baw eu cŵn yng Nghaerfyrddin.

Mae'r lluniau sydd i'w gweld ar deledu cylch cyfyng yn dangos hyn yn digwydd ar Heol Awst, Caerfyrddin a Heol Dŵr, Caerfyrddin. Cafodd yr un unigolyn ei ddal ddwywaith ar Heol Dŵr.

Y gobaith yw y bydd trigolion yn gallu helpu i adnabod y ddau unigolyn.

Meddai'r Cynghorydd Aled Vaughan Owen, yr Aelod Cabinet dros Newid Hinsawdd, Datgarboneiddio a Chynaliadwyedd: "Rydym unwaith eto yn gofyn am gymorth gan aelodau o'r cyhoedd i adnabod unigolion sydd wedi cael eu gweld yn peidio â chodi baw eu cŵn."

“Bydd ein tîm Gorfodi Materion Amgylcheddol yn dal i gymryd camau yn erbyn unrhyw un sy'n cyflawni troseddau amgylcheddol yn Sir Gaerfyrddin a byddwn yn annog y nifer fach o berchnogion cŵn nad ydynt yn codi baw eu cŵn i newid eu hymddygiad.”

Gall unrhyw un sydd â gwybodaeth roi gwybod am hyn drwy ein gwefan neu ffoniwch 01267 234567.

Nodyn ar gyfer golygyddion: Mae'r wybodaeth hon yn cael ei datgelu o dan yr eithriad a geir yn y darpariaethau ar gyfer Rheoliad Diogelu Data Cyffredinol y DU a geir yn Atodlen 2, Rhan 1, paragraff 2 (1) (c) o Ddeddf Diogelu Data 2018 gan y byddai peidio â datgelu'r delweddau hyn yn niweidiol i'r pwrpas o ddal neu erlyn troseddwr.”