Sesiynau galw heibio Pentre Awel - Dydd Mercher 16 Hydref yng Nghlwb Cymdeithasol y Morfa

Bydd Pentre Awel yn cynnal dwy sesiwn galw heibio ddydd Mercher 16 Hydref 2024 rhwng 10am a 1pm (sesiwn bore i brynhawn) a rhwng 5pm a 7pm (sesiwn gyda'r nos) yng Nghlwb Cymdeithasol y Morfa i ymgysylltu â'r gymuned leol yn Llanelli, Sir Gaerfyrddin.

Rydym yn mawr obeithio y gallwch fynychu. Bydd ein swyddogion wrth law i ateb unrhyw gwestiynau a dangos rhai delweddau byw o ble rydym ni gyda’r gwaith datblygu a beth i’w ddisgwyl yn barod ar gyfer yr agoriad yng ngwanwyn 2025.

Pwrpas y digwyddiad yw rhoi'r wybodaeth ddiweddaraf am Canolfan, Pentre Awel yn ogystal â rhoi trosolwg o'r weledigaeth, y cysyniad a'r cyfleoedd. Mae Canolfan ym Mhentre Awel yn 1 o 9 prosiect sy'n rhan o Fargen Ddinesig Bae Abertawe ac yn cael ei arwain gan Gyngor Sir Caerfyrddin. Fe'i lleolir yn Llanelli, Sir Gaerfyrddin.

Cysyniad a gweledigaeth Canolfan yw cynnig cyfleoedd ar gyfer darparu gofal iechyd, ymchwil ac arloesi cysylltiedig, addysg a hyfforddiant ochr yn ochr â chyfleusterau sy'n cefnogi ac yn annog pobl i fyw bywyd egnïol ac iach. Mae cyfleoedd llety hefyd ar gael i fusnesau newydd a busnesau presennol sy'n cefnogi'r weledigaeth gyffredinol.

Meddai’r Cynghorydd Hazel Evans, Aelod Cabinet Cyngor Sir Gâr dros Adfywio, Hamdden, Diwylliant a Thwristiaeth:

“Dylai unrhyw un sydd â diddordeb breintiedig ym Mhentre Awel ddod i un o'r sesiynau galw heibio a siarad â thîm Pentre Awel a fydd yn gallu ateb eich cwestiynau. Mae ymgysylltu â'r cyhoedd yn hanfodol i brosiect Pentre Awel er mwyn sicrhau bod y gymuned leol yn parhau i fod wrth wraidd y datblygiad arloesol, unigryw hwn”.