Neges Bwysig i Fyfyrwyr Chweched Dosbarth: Cofiwch sicrhau eich Tocynnau Bws ar gyfer y Flwyddyn Academaidd Newydd

Wrth i ddisgyblion ledled Sir Gaerfyrddin baratoi i dderbyn eu canlyniadau TGAU yr wythnos yma, mae Cyngor Sir Caerfyrddin yn atgoffa pob myfyriwr sy'n bwriadu dychwelyd i'r Chweched Dosbarth i sicrhau eu trefniadau cludiant i'r ysgol cyn gynted â phosibl.

Mae'n rhaid i fyfyrwyr sydd angen parhau i ddefnyddio gwasanaethau cludiant i'r ysgol y cyngor ac sy'n bwriadu parhau â'u hastudiaethau yn y Chweched Dosbarth gysylltu â'r tîm Teithio gan Ddysgwyr i sicrhau bod eu tocynnau bws yn cael eu rhoi mewn pryd ar gyfer dechrau'r flwyddyn academaidd newydd. Er mwyn osgoi unrhyw oedi, e-bostiwch TeithioDysgwyr@sirgar.gov.uk cyn gynted ag y bydd eich cynlluniau'n cael eu cadarnhau.

Dylid gwneud ceisiadau am gludiant i'r coleg drwy'r coleg.

Dywedodd y Cynghorydd Glynog Davies, yr Aelod Cabinet dros Addysg a'r Gymraeg:

Bydd llawer o fyfyrwyr yn edrych ymlaen yn eiddgar at ddychwelyd i'r Chweched Dosbarth ac mae'n bwysig iawn bod y trefniadau cludiant cywir ar waith i gefnogi ein dysgwyr wrth iddynt gymryd y cam pwysig a chyffrous nesaf hwn yn eu taith addysgol."

Rydym am sicrhau bod ein holl fyfyrwyr yn gallu dechrau'r tymor newydd heb unrhyw broblemau cludiant. Os ydych yn dychwelyd i'r Chweched Dosbarth ac angen cludiant i'r ysgol, cysylltwch â ni yn brydlon fel y gallwn drefnu eich tocyn bws mewn da bryd.”

I gael rhagor o fanylion neu gymorth, cysylltwch â'r tîm Teithio gan Ddysgwyr drwy e-bostio TeithioDysgwyr@sirgar.gov.uk.