Yr arolwg Rhandiroedd a Thyfu Cymunedol yn fyw
65 diwrnod yn ôl
![](/media/ex1f3kyi/alottment-and-newsroom-community-growing-spaces-pr-image.jpg)
I nodi Wythnos Natur Cymru (29 Mehefin – 7 Gorffennaf), gwahoddir trigolion Sir Gaerfyrddin i gymryd rhan mewn arolwg Rhandiroedd a Thyfu Cymunedol ar-lein, a ariennir ar y cyd gan Gronfa Ffyniant Gyffredin Llywodraeth y DU a Chyngor Sir Caerfyrddin.
Mae nifer o fanteision posibl ynghlwm wrth randiroedd a mannau tyfu cymunedol, gan gynnwys byw'n iach a llesiant meddyliol. Bydd yr arolwg yn galluogi'r Awdurdod Lleol i ddeall yn well yr angen am fannau o'r fath ar draws y sir, sy'n cyd-fynd ag Amcan Llesiant 3 y Cyngor: Galluogi ein cymunedau a’n hamgylchedd i fod yn iach, yn ddiogel ac yn ffyniannus (Cymunedau Ffyniannus).
Dywedodd y Cynghorydd Aled Vaughan Owen, yr Aelod Cabinet dros Newid Hinsawdd, Datgarboneiddio a Chynaliadwyedd:
Bydd yr arolwg hwn yn golygu gall y Cyngor Sir ddarparu mannau'n well er mwyn annog pobl i dyfu eu cynnyrch eu hunain trwy randir, neu ymuno â mannau tyfu cymunedol i gymdeithasu yn ogystal â dysgu sgiliau newydd. P'un a ydych yn cael gwaith gwybod y gwahaniaeth rhwng moron a phannas, neu'n arddwr profiadol – ni am glywed eich barn am y pwnc pwysig hwn.
I gwblhau'r arolwg, ewch i'n gwefan.
Mae'r arolwg Rhandiroedd a Thyfu Cymunedol yn fyw rhwng 5 Gorffennaf a 2 Awst 2024.
Os nad oes gennych fynediad i'r rhyngrwyd, cysylltwch â thîm Prosiect Gwyrddu Sir Gâr, a fydd yn gallu cynnal yr arolwg gyda chi dros y ffôn.
Ffoniwch: 07816113034 (ar gael rhwng 9am ac 1pm o ddydd Llun i ddydd Gwener)
I weld pa ddigwyddiadau sy'n cael eu cynnal ar draws Cymru ar gyfer Wythnos Natur Cymru, ewch i'r wefan hon.