Prawf cenedlaethol ar system newydd Rhybuddion Argyfwng - Ddydd Sul 23 Ebrill am 15:00

Cynhelir prawf cenedlaethol ar system newydd Rhybuddion Argyfwng y DU ddydd Sul 23 Ebrill am 15:00: gall y darllediad fod yn weithredol tan 16:00 (dim ond unwaith y bydd ffonau'n cael y rhybudd).

Anfonir y rhybudd prawf i'r rhan fwyaf o ffonau symudol ledled y DU. Bydd dyfeisiau'n gwneud sain unigryw, tebyg i seiren am hyd at 10 eiliad, gan gynnwys ar ffonau sydd wedi'u newid i'r modd distaw.

Bydd ffonau hefyd yn dirgrynu ac yn arddangos neges am y prawf. Gallwch glywed enghraifft o sut fydd y prawf yn edrych ac yn swnio yn y fideo  hwn (Saesneg yn unig).

Am ragor o wybodaeth, ewch i Am Rybuddion Argyfwng - GOV.UK (www.gov.uk)

 

Gwasanaeth gan lywodraeth y DU yw Rhybuddion Argyfwng a fydd yn eich rhybuddio os bydd perygl i fywyd gerllaw.

Mewn argyfwng, bydd eich ffôn symudol neu lechen yn derbyn rhybudd gyda chyngor ar sut i gadw'n ddiogel.

Am Rybuddion Argyfwng - GOV.UK (www.gov.uk)

 

Dyma fideo BSL ar beth i’w ddisgwyl fel rhan o’r rhybudd prawf:

System Rhybuddion Argyfwng - YouTube

 

Cwestiynau Cyffredin:

Rwy'n dioddef cam-drin domestig ac mae angen cuddio fy ffôn. Sut galla i ei atal rhag canu?

Mae'n bosibl optio allan o'r system os oes angen i'ch ffôn aros yn guddiedig.

Ydw i'n gallu optio allan?

Mae Rhybuddion Argyfwng yn defnyddio sawl sianel ac mae'r gallu i optio i mewn neu allan yn cael ei bennu gan y math o sianel. Fodd bynnag, rydym yn argymell yn gryf nad yw pobl yn optio allan o'r gwasanaeth, gan mai'r bwriad yw eich rhybuddio pan fydd bywydau mewn perygl.

Optio Allan ar iPhone:

I optio allan, chwiliwch eich gosodiadau am 'rhybuddion argyfwng' a diffodd rhybuddion difrifol a rhybuddion argyfwng.

Os nad yw hyn yn gweithio, cysylltwch â gwneuthurwr eich dyfais.

Am gyngor pellach ewch i gov.uk/alerts/opt-out.

 

Optio Allan ar Ffonau Android a llechi:

I optio allan, chwiliwch eich gosodiadau am 'rhybuddion argyfwng' a diffodd rhybuddion difrifol a rhybuddion argyfwng.

Ar ddyfeisiau Huawei sy'n rhedeg EMUI 11 neu'n hŷn, chwiliwch am eich gosodiadau am 'rhybuddion argyfwng' a diffodd "Bygythiadau eithafol", "Bygythiadau difrifol" a "Dangos rhybuddion oren".

Os nad yw hyn yn gweithio, cysylltwch â gwneuthurwr eich dyfais.

Ym mha ieithoedd y darlledir negeseuon?

Saesneg fydd y brif iaith. Mae hefyd yn bosibl anfon negeseuon iaith ddeuol Cymraeg/Saesneg ar gyfer rhybuddion yng Nghymru. Byddwn yn parhau i ymchwilio i'r defnydd o'r dechnoleg ar gyfer negeseuon a anfonir mewn ieithoedd eraill er mwyn cynyddu effeithiolrwydd a chyrhaeddiad y gwasanaeth.

Mae gen i nam ar fy ngolwg neu fy nghlyw, a fydda i'n gwybod pan fydda i'n derbyn Rhybudd Argyfwng?

Byddwch. Bwriad Rhybuddion Argyfwng yw denu sylw. Mae hyn yn golygu bod dyfeisiau gallu 4G/5G (ar gyfer meini prawf gweler uchod) yn defnyddio sain uchel, tebyg i seiren fel nad yw pobl sydd â nam ar eu golwg yn cael eu heithrio. Bydd rhai ffonau hefyd yn darllen y neges ac yn gallu diystyru gosodiadau cyfaint. Mae Rhybuddion Argyfwng hefyd yn defnyddio math o ddirgryniad penodol. Dangosodd profion gyda defnyddwyr sydd â chymhorthion clyw fod y naws a gadwyd yn ôl yn cael ei ynganu ar gyfer yr unigolion hynny mewn ffordd unigryw. I'r rhai sydd â nam ar eu golwg bydd chwyddiad sgrin hefyd yn ei gwneud yn haws darllen Rhybudd Argyfwng.

Rwy'n gweithio gyda/rydw i'n rhiant /yn ofalwr i berson a allai gael ei boenydio gan y math yma o rybudd. Sut mae hyn wedi cael ei ystyried?

Fel rhan o'r ymgyrch gwybodaeth gyhoeddus, mae Llywodraeth y DU yn gweithio'n agos gyda rhanddeiliaid i sicrhau bod y cymunedau a'r bobl sy'n fwy tebygol o gael eu gofidio gan y math hwn o rybudd yn cael gwybod am y gwasanaeth Rhybudd Argyfwng. Os gallwch, rydym hefyd yn eich cynghori i nodi pobl fregus sy'n byw gerllaw y gallwch roi gwybod iddynt am y gwasanaeth.

Gellir cyfeirio'r rhai sy'n agored i niwed hefyd at y wefan (gov.uk/alerts) am ragor o wybodaeth am Rybuddion Argyfwng, gan gynnwys beth sy'n digwydd pan fyddwch yn cael rhybudd, rhesymau y gallech dderbyn un a sut mae'n gweithio. Mae hefyd fideo esboniwr y gallant ei wylio i ddarganfod mwy.