Digwyddiadau a Dyddiadau Codi Ymwybyddiaeth
8 Tachwedd: Sul y Cofio
Diwrnod i goffáu cyfraniad y sawl fu'n rhan o wasanaethau Milwrol a Sifil Prydain a'r Gymanwlad yn y ddau Ryfel Byd a gwrthdaro diweddarach. Bydd Neuadd y Sir yn cael ei goleuo mewn coch ar noson 8 Tachwedd i nodi'r achlysur. Bydd Baner Cymru, Jac yr Undeb a Baner Wcráin hefyd yn cael eu chwifio rhwng 6 Tachwedd a 12 Tachwedd yn Neuadd y Sir, Neuadd y Dref – Llanelli a Thŷ Parc y Rhun – Rhydaman i nodi Sul y Cofio a Diwrnod y Cadoediad (11 Tachwedd).
11 Tachwedd: Diwrnod y Cadoediad
Diwrnod coffáu sy'n cael ei gynnal bob blwyddyn ar 11 Tachwedd i nodi'r cadoediad a lofnodwyd rhwng Cynghreiriaid y Rhyfel Byd Cyntaf a'r Almaen. Bydd Neuadd y Sir yn cael ei goleuo mewn coch ar noson 11 Tachwedd i nodi'r achlysur. Bydd Baner Cymru, Jac yr Undeb a Baner Wcráin hefyd yn cael eu chwifio rhwng 6 Tachwedd a 12 Tachwedd yn Neuadd y Sir, Neuadd y Dref – Llanelli a Thŷ Parc y Rhun – Rhydaman i nodi Dydd y Cadoediad a Sul y Cofio (8 Tachwedd).
15 Tachwedd: Diwrnod y Byd i goffáu Dioddefwyr Traffig Ffyrdd
Digwyddiad blynyddol ar y trydydd Sul o Dachwedd. Bydd Neuadd y Sir yn cael ei goleuo mewn coch ar noson 15 Tachwedd i nodi Diwrnod y Byd i goffáu Dioddefwyr Traffig Ffyrdd. I gael rhagor o wybodaeth, ewch i'w gwefan.
18 Tachwedd: Wythnos Ymwybyddiaeth Ymwrthedd Gwrthficrobaidd y Byd
Bydd Neuadd y Sir yn cael ei goleuon mewn glas ar noson 18 Tachwedd i nodi Wythnos Ymwybyddiaeth Ymwrthedd Gwrthficrobaidd y Byd, sy'n cael ei chynnal yn flynyddol rhwng 18 a 24 Tachwedd. Mae'r wythnos hon, sy'n cael ei harwain yn fyd-eang gan Sefydliad Iechyd y Byd (WHO), yn anelu at gynyddu ymwybyddiaeth o ymwrthedd gwrthficrobaidd byd-eang (AMR) ac annog arferion gorau ymhlith y cyhoedd, gweithwyr iechyd a llunwyr polisi i osgoi lledaeniad pellach heintiau sy'n gwrthsefyll cyffuriau.
19 Tachwedd: Diwrnod Canser y Pancreas y Byd
Bydd Neuadd y Sir yn cael ei goleuo mewn porffor ar noson 19 Tachwedd i nodi Diwrnod Canser y Pancreas y Byd, diwrnod ymwybyddiaeth fyd-eang sy'n tynnu sylw at ganser y pancreas, ei symptomau, ei risgiau, a'r angen brys am ganfod ac ymchwil yn gynharach. Gallwch gael rhagor o wybodaeth ar wefan Pancreatic Cancer UK.
25 Tachwedd: Diwrnod y Rhuban Gwyn
Bydd Neuadd y Sir yn cael ei goleuo mewn porffor ar noson 25 Tachwedd i nodi Diwrnod y Rhuban Gwyn, diwrnod sy'n cael ei gynnal yn flynyddol fel rhan o Ddiwrnod Rhyngwladol y Cenhedloedd Unedig ar gyfer Dileu Trais yn erbyn Menywod. Bydd Baner y Rhuban Gwyn, Baner Cymru, a Baner Wcráin hefyd yn cael eu chwifio yn Neuadd y Sir, Neuadd y Dref – Llanelli a Thŷ Parc y Rhun – Rhydaman i nodi'r achlysur. Gallwch gael rhagor o wybodaeth ar wefan White Ribbon UK.
