Mae Cyngor Sir Caerfyrddin wedi lansio tendr newydd ar gyfer llogi cyfarpar, peiriannau ac offer, gyda gweithredwr a hebddo.

Nod y Cyngor yw sefydlu Cytundeb Fframwaith gyda sawl cyflenwr a all ddarparu ystod eang o offer i gefnogi gweithrediadau'r Cyngor. Bydd hyn yn cynnwys peiriannau fel peiriant cloddio, peiriant sgubo, tele-handler, rholeri a dadlwythwyr.

Mae'r tendr bellach yn fyw,  a'r  dyddiad cau ar gyfer cyflwyno tendr yw dydd Gwener, 16 Ionawr 2026 am 2:00pm.

Caiff busnesau bach a chanolig ac unig fasnachwyr eu hannog i wneud cais.

Mae Busnes Cymru yn cynnig cyngor annibynnol ac arweiniad ymarferol am ddim i helpu busnesau i gael mynediad i'r system e-dendro a pharatoi eu cyflwyniadau.
I gael cymorth, cysylltwch â Busnes Cymru ar 01656 868500, e-bostiwch trading@businesswales.org.uk, neu ewch i busnescymru.llyw.cymru.

Dywedodd Aelod Cabinet Cyngor Sir Caerfyrddin dros Wasanaethau Trafnidiaeth, Gwastraff a Seilwaith, y Cynghorydd Edward Thomas:

Rwy'n annog busnesau o bob maint, gan gynnwys unig fasnachwyr, i dendro am y cyfle hwn. 

Mae'r Cyngor wedi ymrwymo i gadw ei wariant o fewn y Sir gymaint â phosibl, gan gefnogi busnesau lleol, a chreu swyddi. Rwy'n siŵr bod busnesau ac unigolion yn ein cymunedau sy'n gallu cyflawni'r math hwn o waith ond efallai y bydd angen help arnynt gyda'r broses dendro. Dyna pam mae cyrchu'r cymorth sydd ar gael mor bwysig."

Mae manylion llawn am y Fframwaith gan gynnwys sut i gyrchu dogfennau'r tendr yn ogystal â chyflwyno cais, i'w gweld ar wefan GwerthwchiGymru: https://www.sell2wales.gov.wales/search/show/search_view.aspx?ID=NOV564737