Rhodd hael iawn yn hwb i Apêl Teganau Nadolig

2 diwrnod yn ôl

Mae'r Apêl Teganau Nadolig wedi cael hwb anferth diolch i rodd hael iawn.

Fe roddodd Ardal Gwella Busnes Llanelli £600 i dîm apêl y Cyngor a bydd hyn yn sicr o godi gwên ar lawer mwy o wynebau y Nadolig hwn.

Caiff yr arian ei wario'n lleol ar anrhegion a theganau i deuluoedd nad ydynt yn gallu fforddio prynu i'w plant.

Y llynedd, rhoddwyd dros 6,000 o anrhegion i 957 o blant, o fabanod 18 mis hyd at bobl ifanc yn eu harddegau.

Bellach mae'r apêl ar waith ers 8 mlynedd ac mae gwirfoddolwyr yn helpu staff Cyngor Sir Caerfyrddin i roi trefn ar yr anrhegion, a'u pacio a'u dosbarthu cyn y Nadolig.

Dywedodd Nia Thomas, cydlynydd Apêl Teganau Nadolig y Cyngor: "Rydym ni wrth ein boddau o dderbyn rhodd hael iawn gan yr Ardal Gwella Busnes. Bydd yr arian o fudd mawr i sicrhau bod cynifer o deuluoedd â phosibl, nad ydynt yn gallu fforddio prynu anrhegion neu deganau i'w plant, yn elwa ar yr apêl.

Pan fyddwch wrthi'n gwneud eich siopa Nadolig eleni, cofiwch am y teuluoedd llai ffodus hynny, a phrynwch anrheg ychwanegol i'w rhoi i'r apêl Nadolig.

Gellir gadael anrhegion heb eu lapio mewn nifer o fannau casglu ledled y sir erbyn 1 Rhagfyr. Yn ogystal, gall pobl roi papur lapio, siswrn a thâp selo i'r gwirfoddolwyr. Gallwch hefyd roi cyfraniad ariannol a fydd dim ond yn cael ei ddefnyddio i brynu teganau ac anrhegion. Gallwch anfon eich rhoddion (sieciau'n daladwy i: Cyngor Sir Caerfyrddin) i Adeilad 2, Parc Dewi Sant, Heol Ffynnon Job, Caerfyrddin, SA31 3HB, neu ffoniwch 01267 246657 os hoffech roi arian parod.

Dywedodd Cadeirydd yr Ardal Gwella Busnes, Lesley Richards: “Roedd nifer y stondinwyr yn yr ŵyl fwyd yn syfrdanol, ac felly penderfyniad hawdd oedd rhoi'r holl arian i ddwy fenter leol arbennig. Gan fod yr apêl wedi bod mor llwyddiannus, rydym wedi cytuno gyda Marchnadoedd Sir Gaerfyrddin y byddem yn rhoi'r arian i ddwy fenter yn Llanelli er budd pobl leol. Wedi'r cyfan, dyma'r bobl sy'n cefnogi ein tref."

 

  • Canolfan gwasanaeth cwsmeriad, 3 Stryd Spilman, Caerfyrddin
  • Neuadd y Sir, Caerfyrddin
  • Adeilad 2, Parc Dewi Sant, Caerfyrddin
  • Natwest Bank, Caerfyrddin
  • Depo Cillefwr, Cyngor Sir Gar, Tre-Ioan, Caerfyrddin
  • Nant y Ci, Caerfyrddin
  • Yr Atom, Stryd Brenin, Caerfyrddin
  • Canolfan Hamdden Caerfyrddin
  • The Range, Caerfyrddin
  • Llyfrgell Caerfyrddin
  • Bloc 1, Parc Myrddin, Caerfyrddin
  • Neuadd y Dre, Llanelli
  • Hwb, Stryd Stepni, Llanelli
  • Cathedral Hygiene, Uned 1, Dragon 24, Doc y Gogledd, Llanelli
  • Jennings Solicitors, Llanelli
  • Canolfan Hamdden Llanelli 
  • The Range, Parc Pemberton, Llanelli
  • Llyfrgell Llanelli 
  • Tesco, Trostre, Llanelli
  • Tesco Rhydaman
  • Hwb, Rhydaman
  • Canolfan Hamdden Rhydaman
  • Llyfrgell Rhydaman
  • Barclays Bank, Rhydaman 
  • Llyfrgell Bedol 
  • Llyfrgell Brynaman 
  • Canolfan Cymuned Glanaman 
  • Canolfan Addysg Gymuned  Llandeilo 
  • Llyfrgell Llandeilo 
  • Canolfan Hamdden Llandovery 
  • Llyfrgell Llandovery
  • Burns Pet Nutrition, Cydweli
  • Llyfrgell Cydweli 
  • Llyfrgell Porth Tywyn 
  • Llyfrgell Cross Hands 
  • Neuadd Pontyberem 
  • Canolfan Hamdden Casnewydd Emlyn 
  • Canolfan Hamdden Sanclêr